Премиера на „Вртелешка“ на Артур Шницлер во струмичкиот театар
В петок во 20 часот во Центарот за култура „Антон Панов“ ќе се одржи премиерната изведба на претставата „Вртелешка“ работена по текст на австрискиот автор Артур Шницлер по режија и сценографија на Драгана Таневска, а во изведба на струмичкиот театарски ансамбл.
- Станува збор за провокативен автор, кој не е многу поставуван во Македонија, но кој како дипломиран доктор, а вљубеник во психологијата и Зигмунд Фројд, прави допир до есенцијалните човечки облици, рече на прес конференцијата директорот на театарот, Драган Маџиров.
Додаде дека ова е втора премиера на овој театар годинава, исто така и втора и на режисерката од тој ансамбл.
- Шницлер се занимава со психологијата и голема инспирација има од Сигмунт Фројд, бидејќи во сите негови драми отворено зборува за сексуалноста и антисемитизмот преку алузија и психологија допирајки до есенцијалните облица на човековата природа. Поради големата сексуалност и антиземитизмот, неговите текстови во триесеттите години на 20 век биле забранувани од нацистичките партии на Германија и Австрија, рече Маџиров.
Режисерката Таневска пак истакна дека станува збор за претстава за љубовта.
- Претставата зборува за љубовта, за сето она што модерниот човек го избегнува во секојдневието. Општеството го тера човекот да биде брз, да нема време за подлабоки работи, и ја заборава љубовта и вистинските вредности. Нашата претстава зборува за љубов, за она што го тера човек да биде комплетен, вели Таневска.
Актерот и костимограф Ванчо Василев истакна дека во претставата го глуми ликот на младиот господар кој, како што рече, за него бил голема провокација да го одигра.
- Истовремено ги работев и костимите кои ја следат режисерската естетика која Таневска ни ја наметна. Се надевам дека ќе биде пријатно естеско доживување, рече тој
На денешната прес-конференција директорот Маџиров го најави дводневното гостување на театарот од Јагодина, Србија, во Струмица. Вечер со почеток во 20 часот гостите од Србија ќе ја изведат претставата „Машко-женски разговори“, а утре на пладне детската претстава „Фрази за куќни мази“.
Ново на Сител
-
Обилен снег и силен студ ќе зафати делови од Европа во наредните денови
-
Нетанјаху: Израел ќе продолжи да се бори во Газа до победа
-
Четири деца тешко повредени откако паднале од покрив на спортска сала во Штутгард
-
Состојба на патиштата
-
Сончево со јужен ветер
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи