Мукаетов заминува од РФМ ?
По двата пораза и неуспешниот обид да се избори место на Олимписките игри во Рио со изјава на официјалната страница на РФМ се огласи и претседателот на федерацијата Живко Мукаетов.
Овој пат нема оправдувања, сите во репрезентацијата сме свесни дека испуштивме огромна шанса за историски успех ама веројатно, толкави ни беа силите и можностите. Жал ми е што исклучително квалитетните имиња кои ги имаме во ракометот не успеаа да дојдат до овој најголем спортски спектакл наречен ЛОИ. Желбата беше огромна, но притисокот уште поголем, што веројатно беше каменот што не сопна… Секоја чест и огромна благодарност до капитенот кој максимално се вложи како лично така и професионално.
Ова за мене е големо разочарување и подготвен сум да ја понесам одговорноста, но задоволен сум што оваа раководна гарнитура ја постави федерацијата организациски на здрави нозе и состави систем на вредности кој може многу лесно да подготвува млади таленти за големи успеси. Би сакал исто така да им честитам на нашите млади надежи за успехот на квалификациите за ЕП во Данска и се надевам дека олимпискиот сон наскоро повторно ќе го сонува некоја од младите категории.По неуспешните квалификациски натпревари за ЛОИ 2016 на машките сениори, јас лично сум многу разочаран од неуспехот и стојам на ставот кој го кажав по завршувањето на Европското првенство во Полска: моето повлекување ќе биде презентирано до надлежните тела во федерацијата; управниот одбор и собранието.
Во пакет најверојатно ќе си замине и генералниот секретар Филип Милошевски.
Ново на Сител
-
ЦУК: Активни 17 пожари, пет ставени под контрола
-
Од позајмени пари до империја | Татијана Стаменковска | ПРОфесија | Sitel Podcast 057
-
Возач на товарно возило не поседувал картичка за уред во запишување во патниот сообраќај
-
Гори куќа во Чаир, лепенка до зграда на осум ката
-
Подметнат пожар во расадникот на булеварот Борис Трајковски во Скопје
-
80-годишен ресенчанец со автомобил прегазил 79-годишен велосипедист
-
Милена Ангелова од Делчево еден од медалистите на Светската олимпијада по геонауки
-
Аеродромот во Тирана на прво место во Европа според порастот на бројот на патници