Песков: Можни реципрочни мерки за антируските санкции

Антируските санкции ги поддржаа Црна Гора, Албанија, Исланд, Лихтенштајн, Норвешка и Украина, а во Кремљ не ја исклучуваат можноста Русија да усвои реципрочни мерки кон тие држави, кои се придружиле кон санкциите, рече денеска Дмитриј Песков, прес-секретар на рускиот претседател Владимир Путин.

- Овие реципрочни мерки, секако можат да бидат донесени, рече Песков и додаде дека основниот принцип е реципроцитет.

ЕУ вчера соопшти дека земјите-кандидати Црна Гора и Албанија, членките на Европската асоцијација за слободна трговија Исланд, Лихтенштајн и Норвешка, како и Украина, се придружиле на одлуката на Советот на ЕУ за продолжување на санкциите кон Русија до 31 јануари идната година.