Опозицијата подготвува вувузели за инаугурацијата на Хашим Тачи

На плоштадот Скендербег во Приштина утре во 11 часот ќе биде одржана инаугурацијата на Хашим Тачи како нов претседател на Косово, а опозицијата има подготвено вувузели, јавија приштинските медиуми.

- Трите опозициски партии Движењето Самоопределување, Алијанса за иднината на Косово и Иницијатива за Косово покрај другото планираат и користењсе на вувузели со цел да ја спречат инаугурацијата на Тачи, пишува „Идексоналајн“.

Церемонијата е предвидено да трае 50 минути, а ќе присуствуваат 1.200 гости од 50 држави.

И претседателот на партијата Активна Србија, Душан Јањиќ ќе присуствува на инаугурацијата на косовскиот претседател, јави Танјуг.

Тачи денеска положи заклетва во Собранието на Косово, со што го почна петгодишниот мандат. На положувањето на опозицијата не присуствуваше опозицијата.