Украинските сили извршија напади со дронови врз Санкт Петербург и Ленинградската област

Украинските сили синоќа извршија напади со беспилотни летала врз Санкт Петербург и Ленинградската област, соопшти денеска гувернерот Александар Дрозденко и потврди дека 126 беспилотни летала биле соборени над тој регион.

Аеродромот Пулково воведе привремени ограничувања за работа, а патниците и вработените се преместени на безбедни локации, објави Федералната агенција за воздушен транспорт (Росавијација).

Украинските сили нападнаа нафтен терминал во Санкт Петербург и цивилна инфраструктура во четири градски области, а според гувернерот, немало жртви, но нафтениот терминал се запалил и пожарот се гаси. 

МИА