Литија во Скопје во пресрет на Рождество на Пресвета Богородица

Литија по улиците во центарот на Скопје ќе биде одржана денеска во пресрет на утрешниот празник на Раѓањето на Мајката Божја, Пресвета Богородица – заштитничката на градот Скопје.

Прославувањето на празникот почнува со вечерна богослужба во 17 часот во храмот посветен на Богородичното рождество во центарот на Скопје, по што ќе продолжи со литија со иконата на Пресвета Богородица – Троеручица околу централното градско подрачје.

Утре, на денот на празникот, ќе биде отслужена утрена богослужба со почеток во 07:30 часот, а потоа и света литургија во 09:00 часот.

Братството при храмот „Рождество на Пресвета Богородица“ во Скопје, ги повикува верниците и сите луѓе со добра волја да учествуваат во торжественото прославување на празникот на Раѓањето на Мајката Божја –  заштитничката на градот Скопје.

МИА