Извршена смртната пресуда врз организаторот на бомбашките напади во Мумбај во 1993 година

Организаторот на бомбашките напади во Мумбај во 1993 година, Јакуб Мемон беше обесен откако индискиот претседател не го одложи извршувањето на пресудата, јави ДПА.

Мемон беше обесен во затвор во централниот индиски град Нагпур заради улогата во најкрвавиот терористички напад во историјата на Индија.

Тој беше обвинет дека ги финансирал бомбашките напади и судот во Мумбај го осуди на смрт во 2007 година.

Серија од 13 експлозии го потресоа Мумбај на 12 март 1993 година во кои загинаа 257 луѓе и ранети беа околу 700.