Бесен затоа што пронашол 10.000 јени под перница во хотел

Голем број гости од хотелот би биле среќни да пронајдат пари под перниата во нивната соба, но Лу Ганг од Кина бил лут кога под неговата перница пронашол 10.000 јени (1,6 илјада евра).

Тој се подготвувал да го напушти хотелот и при последната проверка ги пронашол парите. На персоналот на хотелот тој им порачал дека е несреќен поради нивната негрижа, бидејќи парите докажуваат дека хотелскиот персонал не ги чисти собите.

Во хотелот била повикана полиција која ги презела парите, а хотелскиот персонал изјавил дека парите се сопственост на гостинот кој бил претходно.

- Парите не беа мои и се наоѓаа под перницата каде спиев. Чистачките не си ја работат својата работа. Не ги смениле навлаките во овој случај. На површината се изгледа во ред, но кој може да ми гарантира дека креветот е уреден според стандардите за хигиена? Зарем не е секојдневна рутина на хотелот да ги подготви креветите?, праша тој.

Персоналот и полицијата го пофалиле Лу, но тој не бил среќен, туку вознемирен, затоа што се прашувал на што навистина спиел, односно колку е чиста постелнината.

Хотелот Чонггинг има три ѕвездички, а според кинескиот Закон сите хотели, па дури и да имаат една ѕвездичка се должни да ја менуваат постелнината.