Трамп од Анкара упати критика до НАТО и изрази разочарување од недостигот на поддршка за САД

Американскиот претседател Доналд Трамп денеска изјави дека е „многу разочаран“ од НАТО и дека САД не добиле доволна поддршка од своите сојузници – објави Ен-би-си.

Зборувајќи на прес-конференција со турскиот претседател Реџеп Таип Ердоган на самитот на алијансата во Анкара, Трамп рече дека можеби немаше да присуствува на самитот доколку не се одржал во Турција, земја чиј лидер, рече, е „силна личност“.

„Доколку не се одржеше во Турција, каде што мојот пријател е многу силен лидер, многу силна личност, веројатно немаше да присуствувам“, рече Трамп одговарајќи на прашање за можноста за повлекување на американските трупи од Европа.

Американскиот претседател го критикува НАТО бидејќи, според него, не ги поддржал САД во операциите против Иран.

„Не сме добро третирани затоа што направивме нешто во Иран“, рече Трамп додавајќи дека САД инвестираат многу во НАТО за да ги заштитат европските земји, Канада и другите сојузници.

Тој оцени дека сојузниците треба да бидат поподготвени да му дадат поддршка на Вашингтон, но дека, како што рече, тоа не е случај. 

МИА