Нови планови за нов клинички

Повторно во игра е изградба на нов клинички центар. На денешниот брифинг, премиерот кажа дека како најсериозна опција е комплексот да биде кај салата Борис Трајковски. Мицкоски вели дека преговараат со сопственикот на земјиштето кое е спроти ГОБ 8-ми септември и доколку постигнат договор, тогаш новиот клинички со тунел ќе го поврзат со болницата, ПЕТ центарот и поликлиниката Букурешт. Оваа локација како идеја беше спомената и кон крајот на 2025 година како најпогодно место со два булевари, инфраструктура и простор за градба. Засега надлежните велат дека е рано да зборуваат за финансии, колку би чинел новиот клинички центар. 

Локацијата е нова но идејата и ветувањата се стари над 15 години. Претходната Влада на ВМРО-ДПМНЕ имаше потпишано договор на местото на сегашниот клинички, но наместо темели, владата на СДСМ го раскина. Како една од локациите се споменуваше и касарната Илинден, а за Веле Поле во Горче Петров и елаборат како би изгледал комплексот.