Почина политичкиот аналитичар и поранешен амбасадор Аpсим Зеколи

Познатиот политички аналитичар и поранешен македонски дипломат, Арсим Зеколи, почина рано утрово на 60-годишна возраст.

Тажната вест за неговата ненадејна смрт ја сподели неговиот брат, д-р Шефкет Зеколи, преку јавно соопштение објавено на социјалните мрежи.

„Со длабока болка и голема тага, ве известуваме дека денес, на 8 јуни 2026 година, во раните утрински часови, ненадејно почина нашиот брат, Арсим Сулејман Зеколи (1966–2026)“

Семејството информираше дека последното испраќање и погребот ќе се одржат во текот на денешниот ден, со почеток во 18:00 часот, на гробиштата во селото Блаце.

Арсим Зеколи во пошироката јавност во Македонија и регионот беше препознатлив како истакнат колумнист и коментатор на општествено-политичките процеси, а во својата кариера ја извршуваше и функцијата амбасадор на Северна Македонија при ОБСЕ во Виена.