Најмалку десет загинати во израелски напад врз јужниот дел на Либан

Најмалку десет лица, меѓу кои три жени и три деца, загинаа во израелски воздушен напад во јужниот дел на Либан, соопшти либанското Министерство за здравство.

„Израелски воздушен напад врз градот Деир Канун ал Нахр во округот Тир, според првичните информации, резултираше со десет загинати, меѓу кои три деца и три жени, како и тројца повредени, вклучително и едно дете“, се наведува во соопштението на Министерството, од каде нападот е опишан како „масакр“.

Во Либан е во сила прекин на огнот меѓу проиранското движење Хезболах и Израел.