Пијан возач со трактор удрил во „Пасат“, па побегнал

Вчера во с. Костин Дол, општина Македонска Каменица, полициски службеници од Полициското одделение за безбедност на патниот сообраќај Делчево го лишиле од слобода Л.Ј.(56) од с.Костин Дол.

Претходно, тој со трактор, кој го управвуал, удрил во патничко возило „фолксваген пасат“ со регистарски ознаки на Македонска Каменица, сопственост на Г.М.(42) од истото село, по што го напуштил местото, информираа од полицијата. 

По преземени мерки, тој е пронајден и лишен од слобода, а при преземени мерки и извршено алкотестирање било констатирано дека го управувал тракторот под дејство на алкохол, односно му биле измерени 1,99 промили алкохол во крвта.

По целосно документирање на случајот, против него ќе биде поднесена соодветна пријава.