Велешката полиција лиши од слобода двајца возачи, поради управување со активна забрана им ги одзела возилата

Синоќа по полноќ во 00:20 часот на улица „Академик Пенчо Давчев“ во Велес,  полициски службеници од Мобилната единица за безбедност на сообраќајот на патиштата го лишиле од слобода 42 - годишниот  И.А. од Велес. При контрола во сообраќајот било сопрено патничко возило „фолксваген пасат“ со гостиварски регистарски ознаки, управувано од И.А., при што било констатирано дека го управувал со активна мерка - забрана за управување со моторно возило од Б категорија, информираат денеска од СВР Велес.

Воедно, појаснуваат дека по насоки на јавен обвинител, тој бил приведен во полициска станица, а возилото било одземено. 

На крстосница кај Башино село, Велешко, синоќа во 17,30 часот полициски службеници од Мобилната единица за безбедност на сообраќајот на патиштата го лишиле од слобода 28 - годишниот  Н.А од Скопје. При контрола во сообраќајот било сопрено патничко возило „фолксваген венто“ со скопски регистарски ознаки, управувано од А.Н., при што било констатирано дека го управувал со впишана забрана за управување со моторно возило од Б категорија. По насоки на јавен обвинител, тој бил приведен во полициска станица, а возилото било одземено.

По целосно документирање на двата случаја против лицата ќе биде поднесена соодветна пријава, наведуваат од МВР. 

МИА