Лимани од НАИ победи во Гостивар

Со убедлива предност во освоените гласови, Ваљбон Лимани е извесен победник на повторените избори за градоначалник на Гостивар, според досега обработените податоци на Државната изборна комисија.

Иако пребројувањето сѐ уште не е целосно завршено, резултатите што произлегуваат од официјалната статистика на ДИК укажуваат дека Лимани, поддржан од коалицијата поврзана со Националната алијанса за интеграција, остварил значајна победа над Невзат Бејта, кандидат на коалицијата ВЛЕН.

Лимани има освоено 61,24 отсто од гласовите, односно 14.364 гласа, наспроти 30,46 отсто или 7.145 гласа за Бејта.