Макрон, Мерц и Стармер го осудуваат „убиството на демонстранти“ во Иран

Францускиот претседател Емануел Макрон, германскиот премиер Фридрих Мерц и неговиот британски колега Кир Стармер го осудија „убиството на демонстранти“ во Иран и ги повикаа иранските власти да „покажат воздржаност“.

„Длабоко сме загрижени од извештаите за насилство извршено од иранските безбедносни сили и силно го осудуваме убивањето на демонстранти“, изјавија вчера лидерите на Франција, Велика Британија и Германија, повикувајќи ги иранските власти да „се воздржат од насилство и да ги почитуваат основните права на иранските граѓани“.

„Иранските власти имаат одговорност да го заштитат своето население и мора да гарантираат слобода на изразување и мирно собирање, без страв од одмазда“, рекоа Макрон, Стармер и Мерц во заедничка изјава.

Протестите во Иран избувнаа пред две недели поради зголемувањето на цените и влошувањето на животниот стандард, откако вредноста на националната валута падна на рекордно ниско ниво. Бројот на жртви се искачи на 65, а повеќе од 2.300 лица се уапсени, според новинската агенција „Активисти за човекови права“. Иранската државна телевизија објави дека меѓу загинатите има и безбедносни сили.

Врховниот лидер ајатолахот Али Хамнеи сигнализираше порепресивен одговор, и покрај заканите од САД. 

МИА