Сиљановска-Давкова и Мисајловски на видеоконференциска врска со мировниците и предновогодишна средба со нивните семејства

Во касарната „Страшо Пинџур“ во Петровец, денеска традиционално ќе се одржат две предновогодишни активности на Министерството за одбрана и Армијата: видеоконференциска врска со македонските мировници, во присуство на членовите на нивните семејства и поделба на новогодишни пакетчиња на децата на припадниците на Армијата испратени во мировни мисии.

Со претседателката и врховен командант на Армијата, Гордана Сиљановска- Давкова, министерот за одбрана, Владо Мисајловски и началникот на Генералштабот на Армијата, генерал-мајор Сашко Лафчиски на видеоконференциска врска ќе се приклучат припадниците на македонската Армија кои извршуваат задачи во мисиите и операциите во Косово, Босна и Херцеговина, Либан, Латвија, Романија, Бугарија и Германија, по што ќе следи поделба на новогодишни пакетчиња на децата на мировниците.

Согласно програмата предвидено е обраќање кон мировниците, од страна на претседателката Сиљановска-Давкова, министерот Мисајловски и началникот на Генералштабот на Армијата, генерал-мајор Сашко Лафчиски, најави Министерството за одбрана. 

МИА