Најстудено во Берово и Виница

Најниска температура од -4 степени утрово е измерена во Берово и во Виница.

Како што соопшти УХМР, минусни температури утрово има и во Крива Паланка (-3), -1 степен во Прилеп, Струмица, Тетово и Mаврови Анови.

Нула степени се измерени во Штип и Кавадарци, 1 во Скопје-Зајчев Рид, Скопје-Петровец, Демир Капија и Велес, 2 степена во Охрид, Kрушево и Гевгелија, 3 степени во Претор.

Според прогнозата на УХМР, денеска ќе биде променливо облачно со сончеви периоди. По одделни котлини ќе има појава на магла. Ќе дува слаб ветер од југоисточен правец. Максималната температура ќе биде во интервал од 4 до 12 степени.

Во Скопје ќе биде променливо облачно и тивко со појава на магла. Максималната температура ќе достигне 5 степени.

МИА