Околу 2.200 имигранти навлегоа во терминалот на Евротунел

Околу 2.200 имигранти навлегоа во терминалот на Евротунел, што досега е најголемото масовно нивно навлегување во терминалот на Евротунел, по повеќемесечната криза со мигрантите.

Како што јави дописникот на МИА од Париз, во текот на ноќта меѓу понеделникот и вторникот, 2.200 илегални мигранти кои чекаат да заминат од другата страна на каналот Ла Манш, се обидоа да навлезат во „англиската зона“ на терминалот.

Имигрантите се обидоа да се фатат за возовите кои биле во движење, при што петнаесетина од нив биле повредени.