Зголемен бројот на туристи и ноќевања, најмногу гости од Турција, Германија, Србија и Грција

Во периодот јануари - октомври 2025 година вкупниот број на туристи е зголемен за 5,4 отсто во однос на истиот период лани, а зголемен е и вкупниот број на ноќевања за 0,6 проценти, соопшти Државниот завод за статстика. 

Кај домашните туристи е забележано намалување за 2,3 отсто, а кај странските зголемување за 9,3 проценти. И во однос на ноќевањата, кај домашните туристи има намалување за 4,2, а кај странските зголемување за 6,4 проценти.

Во октомври 2025 година, од вкупниот број туристи 21,8 отсто биле домашни, а 78,2 процента странски. Бројот на ноќевањата во октомври 2025 година изнесува 204 718, од кои 29,1 отсто се од домашните туристи, а 70,9 отсто од странските.

Најмногу странски туристи во октомври 2025 дошле од Турција (18 678), Германија (12 558), Србија (6 154) и Грција (3 781). 

МИА