Гаши им ја врати Анкетнатa за Кочани на СДСМ и Левица

Собранискиот спикер Гаши ќе ја врати иницијативата на СДСМ и Левица за Анкетна комисија која ќе ги испитува околностите за трагедијата во Кочани. Гаши утврдил дека во предлогот доставен од опозицијата стои во оваа Анкетна комисија мнозинството да го има опозицијата. Во членот 3 од иницијативата стои дека Анкетната комисија треба да има 4 члена од редот на СДСМ, 4 ДУИ, 1 Левица, ВМРО-ДПМНЕ - 3, Вреди - 2 и ЗНАМ -1.

Гаши се повикува на членот 124 од Деловникот на Собранието дека работните тела и анкетните комисии имаат состав пропорционален на составот на парламентот. 

- Тоа значи дека мнозинството треба да го има власта, а претседателот да е од редот на опозицијата. И таа е вратена на доработката - информираше Гаши на брифингот.

Предлогот за Анкетна комисија беше поднесен минатата недела од 20 пратеници на СДСМ и Левица. Власта прифати ваква Анкетна комисија, но рече дека ќе ја прошири надлежноста со останатите трагедии: пожарот на модуларната болница и автобуските несреќи Беса транс и Дурмо турс.

Предлагачите имаат 15 дена да го направат доуредувањето, ако не ќе се смета дека не е поднесена.