Најголема излезност во тетовскиот регион во општина Брвеница

Во вториот круг од локалните избори за градоначалници во тетовскиот регион се гласа во општините Брвеница, Боговиње и Тетово.

До 15 часот во Општина Брвеница, од 16.150 граѓани гласале 6.592 граѓани или 40,83 проценти од вкупниот број избирачи. Во Општина Тетово излезноста е 31,03 проценти или гласале 27.243 гласачи од 87.878. Најмала излезност има во општина Боговиње каде до 15 часот од вкупно 29.088 граѓани со право на глас, гласале 26,49 проценти или 7.699 граѓани.