Богата програма на Тетовското културно лето

На Тетовското културно лето вечер концерт ќе одржи Филхармонијата на Косово.

Во рамки на манифестацијата во градот се одржуваат повеќе културни активности, музички настани, изложби и драмски престави.

Тетовското културно лето се одвива на повеќе локации низ градот, во Центарот за култура и на градскиот плоштад. Дел од улицата „Дервиш Цара“ беше покриена со чадори, а навечер се одржуваа музички концерти на кои настапија Zig Zag Orchestra, The Code, XXL, Objective како и неколку диџеи. 

Од денеска наредните настапи на музичките групи ќе се одржуваат на градскиот плоштад.

Манифестацијата, која е организирана од општина Тетово, почна на 20 јули, а ќе заврши на 5 август.