Вицепремиерот Николоски учествува на Форум за министри за транспорт во Истанбул

Вицепремиерот и министер за транспорт Александар Николоски денеска и утре учествува на Форум за министри за транспорт што се одржува во Истанбул.

Како што информира Министерството за транспорт, предвидено е Николоски да се обрати на панел насловен „Иновативни можности и решенија за финансирање на транспортни коридори".

-На Форумот „Глобална транспортна поврзаност" е предвидено да се обрати претседателот на Турција, Реџеп Таип Ердоган, министерот за транспорт на Турција, Абдулкадир Уралоглу, како и други министри од Европа и светот, соопшти Министерството. 

На настанот ќе учествуваат голем број министри, меѓу кои во соопштението се наведени министрите за   транспорт на Шпанија, Албанија, Саудиска Арабија, Сингапур, Црна Гора, Обединетите Арапски Емирати, како и многу други високи претставници од институции од областа на транспортот.