Тројца напаѓачи би можеле да го напуштат Ливерпул ова лето

Англискиот шампион Ливерпул би можел да се раздели со тројца напаѓачи во текот на летниот преоден рок.

Како што известува новинарот Флоријан Плетенберг на својот X профил, клубовите од Саудиска Арабија покажуваат интерес за уругвајскиот напаѓач Дарвин Нуњез.

Според изворот, Ливерпул има понуди и за уште двајца напаѓачи - Португалецот Диого Жота и Колумбиецот Луис Дијаз. И двајцата би можеле да го напуштат тимот и доколку трансферите се реализираат, наоѓањето нов напаѓач ќе стане приоритет за Ливерпул.

Луис Дијаз има 49 натпревари оваа сезона, 17 гола и осум асистенции, Дарвин Нуњез играше на 46 натпревари, постигна седум гола и направи седум асистенции. Диого Жота одигра 36 натпревари, постигна девет гола и направи четири асистенции.