Полицаец фатил 15-годишник како вози па бил нападнат од него и неговиот татко

Вчера во 19:00 часот во село Пирок, тетовско, полициски службеници од Полициското одделение Камењане ги лишиле од слобода И.С.(41) од с.Пирок и неговиот 15-годишен син затоа што физички нападнале полициски службеник кој извршувал службени дејствија

Поточно, како што известува СВР Тетово, полиискиот службеник претходно го затекнал малолетникот како управува патничко возило „сеат ибица“ со тетовски регистарски таблички и го исклучил од сообраќај. Тие се задржани во полициска станица и по документирање на случајот против нив ќе бидат поднесени соодветни поднесоци, велат од СВР Тетово.