Сеул и Вашингтон идната недела ќе разговараат за трговските царини воведени од Трамп
Разговорите ќе се одржат во четврток и петок во Вашингтон, а од јужнокорејска страна ќе ги водат министерот за трговија Ан Деок-гун и министерот за финансии Чои Санг-мок. Средбата е организирана на иницијатива на САД.
Вршителот на должноста претседател на Јужна Кореја, Хан Деок-су, веќе сигнализираше подготвеност за компромис по ова прашање. Во интервју за „Фајненшл тајмс“, тој нагласи дека Сеул нема намера да преземе одмазднички мерки против царините наметнати од Вашингтон.
„По разорната Корејска војна, САД не поддржаа со помош, технологија, инвестиции и безбедносни гаранции, што беше основата на нашиот економски просперитет денес“, рече Хан Деок-су.
На почетокот на овој месец, Доналд Трамп објави воведување на таканаречена реципрочна царина од 25 отсто за јужнокорејските стоки. Тој подоцна објави привремена суспензија на овие мерки од 90 дена.
Јужна Кореја, чија економија е силно зависна од извозот, може да претрпи сериозни последици од таквите трговски ограничувања.
Ново на Сител
-
Двајца повредени македонски државјани во сообраќајна несреќа во Албанија
-
Калас: Ризикот од ескалација на Блискиот исток е опасно висок
-
Напаѓач преправен во полицаец пукаше во домовите на политичари во Минесота
-
Приведен 67-годишник од Крушево кој управувал возило со 2,09 промили алкохол во крвта
-
Дејвис куп: Македонија загуби од Летонија, но избори пласман во Втора Светска група
-
Папата Лав Четиринаесетти повика на разум и дијалог меѓу Иран и Израел
-
Иран: Бесмислени се нуклеарни разговори со САД додека траат израелските напади
-
Тајани: Иран не смее да поседува нуклеарно оружје