Во антитерористички акции во Истанбул уапсени 20 лица
Турската полиција уапси 20 лица, вклучувајќи и неколкумина адвокати, во рамки на операцијата, која опфаќа рации во Истанбул, а чија цел се припадници на Курдската работничка партија (ПКК), јави Анадолија.
Антитерористички полициски акции, со поддршка на хеликоптери, истовремено се спроведени во 32 места ширум градот, а меѓу уапсените се неколку акдвокати од се уште непознати здруженија.
Уапсените се одведени во главната полициска станица во Истанбул, по рутинската здравствена контрола.
Во рамки на операцијата се приведени лица во уште осум други провинции.
Рациите следеа откако судирите меѓу турските безбедносни сили и ПКК се проширија на нови подрачја во југоисточна Турција, а по самоубиствениот напад во Анкара, во кој загинаа 37 лица, на улиците излегоа тенкови и оклопни возила, придружени од хеликоптери.
Иако ниту една група не ја презеде одговорноста за нападот во Анкара, Министерството за внатрешни работи тврди дека зад него стои ПКК.
Ново на Сител
-
ВМРО-ДПМНЕ демантира дека разговара за ресори и поделба на власта со „Вреди“
-
ЕУ: Очекуваме соработка со претседателката на Македонија
-
Србија испраќа хуманитарна помош за Газа
-
Бојан Миовски номиниран за фудбалер на годината во Шкотска
-
Излета автомобил од патот Куманово – Скопје, едно лице тешко повредено
-
Драма во Скопје: Претепал жена, а потоа бил агресивен кон полицијата
-
Исчезна Турчинка која престојувала во хотел во Скопје
-
Избувна пожар во куќа во Пласница, зафатена и соседната куќа