Посебен сообраќаен режим во Скопје поради протестот пред Уставен суд

МВР денеска соопшти дека поради денешниот граѓански протест во организација на Здружението на граѓани „Ајде“, најавен за во 18 часот пред Владата на РМ, дел од сообраќајниците во центарот на градот ќе имаат посебен сообраќаен режим.

Имено, во периодот од 18 часот за сообраќај ќе бидат затворени следните улици: бул. “Илинден“ пред Владата на РМ, бул. “ВМРО“, ул. “Васил Главинов“, лево по ул. “Димитрије Чуповски“, потоа улицата “11 Октомври“ (пред Собранието на РМ), ул. “Филип Втори Македонски“ (преку мостот кај “Холидеј Ин“), односно сообраќајниците по кои е најавено движењето на учесниците во протестот.

Овој сообраќаен режим, стои во соопштението, ќе биде на сила до завршувањето на протестот, односно се додека постои потреба од сообраќајна регулација.