Трамп: Договорот со Украина за ретки минерали ќе биде потпишан наскоро
Договорот за ретки минерали со Киев ќе биде потпишан наскоро, а напорите на САД за постигнување мировен договор за ставање крај на војната во Украина одат „прилично добро“, рече американскиот претседател Доналд Трамп по неговите разговори оваа недела со украинскиот и рускиот лидер.
Трамп го даде коментарот на настан во Белата куќа откако потпиша извршна наредба за зголемување на добивањето ретки минерали.
„Потпишуваме и договори низ светот за добивање ретки минерали и многу други работи“, додаде американскиот претседател.
„Во однос на Украина, се справуваме многу добро во однос на преговорите со Киев и Москва. А, една од работите што ќе ја направиме многу наскоро е да потпишеме договор за ретките минерали во Украина“, рече Трамп.
„Би сакале сето ова да заврши и сметам дека работите се одвиваат прилично добро“, рече Трамп, имајќи ги предвид преговорите со неговите украински и руски колеги, Володимир Зеленски и Владимир Путин, за ставање крај на војната во Украина.
"Значи, ние спасуваме илјадници животи неделно, на наша голема радост. Тоа е смислата на целата работа. Тие умираат залудно, а ние мислиме дека ќе постигнеме нешто. Ќе видиме што ќе се случи, но мислам дека ќе го завршиме тоа", додаде Трамп.
Украина и САД овој месец објавија дека се договориле што е можно поскоро да го финализираат сеопфатниот договор за ретките минерали со Киев, што Трамп го гледа како средство за компензирање на трошоците за американската помош за Украина.
Ново на Сител
-
Сиљановска - Давкова од Тирана: Посериозна препрека е билатерализацијата на интегративниот процес од самите балкански соседи
-
MEF25: Енергетската транзиција е политички, економски и генерациски предизвик
-
ФПН во Белград, по анонимна и лажна дојава за бомба: Никој да не биде во зградата на факултетот на 17 јуни
-
Г7 договори нацрт-изјава за Израел и Иран, но Трамп најверојатно нема да ја потпише
-
Муцунски: Работиме на засилување на динамиката на средби со официјална Софија
-
ЕХФ му изрече двегодишна суспензија на грчки АЕК, парична казна за Алкалоид
-
При израелски напад погодена иранската државна телевизија
-
Захарова: САД ја откажаа средбата со Русија за нормализирање на работата на дипломатските мисии