Шмихал: Украина доби околу 1,7 милијарди долари во рамките на иницијативата на Г7 ЕРА

Украина доби 2,5 милијарди канадски долари (околу 1,7 милијарди американски долари) во рамките на иницијативата на Г7 ЕРА, изјави денеска украинскиот премиер Денис Шмихал.

„Украина доби 2,5 милијарди канадски долари (околу 1,7 милијарди американски долари) во рамките на иницијативата Г7 ЕРА.

Овие средства, обезбедени од приходите од замрзнатите руски средства, ќе бидат насочени кон приоритетните потреби на државниот буџет“, објави Шмихал на каналот Телеграм, пренесе Укринформ.

Тој истакна дека ова е прва транша од Канада, која одвоила вкупно пет милијарди канадски долари за Иницијативата за вонредно забрзување на приходите, според која, на Украина ќе и бидат обезбедени финансиски средства од приходите од замрзнатите руски средства.

„Им благодарам на Канада и на сите партнери од Г7 што создадоа механизам што Русија ја смета за финансиски одговорна за агресијата“, додаде Шмихал.

Како што објави Укринформ, во јуни 2024 година, лидерите на земјите од Г7 ја одобрија Иницијативата за вонредно забрзување на приходите (ЕРА), која предвидува обезбедување приближно 50 милијарди долари за Украина.

Тие ќе бидат обезбедени во форма на заеми од замрзнати руски средства.

На почетокот на март, Украина од Велика Британија ги доби првите 752 милиони фунти (околу 800 милиони евра) во рамките на иницијативата на Г7 ЕРА.