Во Собранието седница на Комисијата за прашања на изборите и именувањата

Во Собранието денеска седница ќе одржи Комисијата за прашања на изборите и именувањата. 

На дневен ред се утврдување предлог - одлуки за именување на претседател и членови на Државната комисија за жалби по јавни набавки, за разрешување на членовите на Агенцијата за пошти, за именување на член на Комисијата за заштита на конкуренцијата, Предлог за избор на член на Советот на јавните обвинители на Република Северна Македонија и утврдување Предлог - одлука за разрешување и именување на претседател и членови на Одборот за доделување на државната награда „23 Октомври”.