Клебо: Сè уште не можам да верувам дека е реално тоа што го направив на СП

Норвешкиот скијач Јоханес Клебо на социјалните мрежи ги искажа своите импресии за триумфот на Светското првенство во 2025 година во Трондхајм.

На Мундијалот, 28-годишниот спортист освои шест златни медали и стана 15-кратен светски шампион.

-Го замислив овој момент милион пати, но сè уште не можам да верувам дека е реален. Освојувањето на шест од шест златни медали на Светското првенство токму овде во Трондхајм, градот во кој пораснав, е повеќе од победа. Ова е сон што го носам со себе многу години. Тренирав за ова, се жртвував за ова, се борев низ сомнеж и болка за ова, напиша Клебо.

Крос-кантри скијачот им се заблагодари на семејството, пријателите, како и на спонзорите и волонтерите, истакнувајќи дека немаше да постигне успех без нивна помош.

На Светското првенство во Трондхајм, Клебо стигна до 18 медал во својата кариера и постави рекорд по бројот на освоени медали. Тој исто така е рекордер и по освоени мундијалски злата – вкупно 15.