Напаѓачот кој вчера со нож уби момче во Австрија бил исламист

Извршителот на вчерашниот напад со нож во јужниот австриски град Филах, во кој загина 14-годишно момче, е осомничен исламист кој се радикализирал на интернет, изјави денеска австрискиот министер за внатрешни работи Герхард Карнер.

Во нападот беа повредени уште пет луѓе. Полицијата го идентификуваше сторителот како 23-годишен Сириец кој поднел барање за азил. На прес-конференција Карнер објави дека нападот, во кој беа повредени и пет лица, е поврзан со ИД.