Лазаров по триумфот над Катар: Верувам во оваа репрезентација

Селекторот на македонската репрезентација, Кирил Лазаров е презадоволен од изданието на неговите избраници на денешниот натпревар со Катар.

Македонија во 2. коло од Групата-2 на Мундијалот забележаа победа со 39:34, втора на шампионатот.

– Честитки за ракометарите, за она што го даваат за Македонија. Тешко е петти натпревар да се игра со ваков висок интензитет. Но момците покажаа дека сме на вистинската насока. Верувам во оваа репрезентација. Единствено ни недостига искуство кое се стекнува преку вакви натпревари. Победата ја посветуваме на нашите навивачи. Ни претстои дуелот со Франција. Имаат страшен тим. Немаме што да изгубиме на тој меч. Ќе се обидеме на друг начин да играме. Во секој случај ќе биде извонредно тешко со Французите, истакна Лазаров.

Во моменталниот поредок, Македонија е на 3. место на табелата со четири бодови и со теоретски шанси за четвртфинале.