Подигнати 45 кубни метри непрописно одложен отпад од картонски пакувања во општините Кисела Вода, Центар и Чаир

Екипите на ЈП Комунална хигиена-Скопје во текот на вчерашниот ден подигнале и транспортирале 45 кубни метри непрописно одложен отпад од картонски пакувања во скопските општини Кисела Вода, Центар и Чаир.

Во општината Кисела Вода било интервенирано на улиците „Фредерик Шопен“, „Димо Хаџи Димов“ и „Томе Арсовски“, каде се подигнати вкупно 20 кубни метри отпад од картонски пакувања одложени на јавни површини.

Во општината Чаир, како што соопштија од ЈП Комунална хигиена-Скопје, се отстранети 10 кубни метри непрописно одложен отпад на улицата „Цветан Димов“, додека во општината Центар е интервенирано на неколку локации долж булеварот „Партизански одреди“, каде се расчистени вкупно 15 кубни метри картонски отпад одложен на тревни и сообраќајни површини.