ДУИ бара пратениците да добиваат безбедносен сертификат без проверки, власта ги одби

ДУИ бара сите пратеници да добијат безбедносен сертификат без никакви проверки од службите, со самото тоа што добиле мандат. Измена се прави само во еден член од Законот за класифицирани податоци каде што покрај претседателот на Собранието кој добива безбедносен сертификат по функција, сега се додава такво право да стекнат и сите 120 пратеници. Сепак, владејачкото мнозинство одби предлогот да биде ставен на седница.

Причина за поднесувањето на измените, како што пишува во образложението, е да се направело усогласување со земји од ЕУ, како што е Словенија, каде пратениците без безбедносни проверки треба да добијат сертифакт од моментот на стапување на функцијата, па се додека им трае мандатот. Интегратицвите на Ахмети сметаат дека ако не добијат ваков безбедносен сертификат им се крателе нивните права.

„Имено, пратениците се народни изабраници, со можност на одлучување за сите државни законитости, вклучително и Устав и граници на државата, затоа нивното безбедносно оспорување би било спротивно со горенаведените права. Исто така, за брзото и ефикасно работење на Собранието, вклучително и работните тела на Собранието од областа на безбедноста, потребдно е да нема попречување на работата со немањето на Сертификат или чекање на одговор за истиот, што е пак спротивно со правата на пратениците“, пишува во образложението.

К.Н.