Почна реконструкција на блокот А од студентскиот дом „Гоце Делчев“
По целосната реконструкција и опремување на блокот Б од Студентскиот дом „Гоце Делчев“ во Скопје, кој со нов изглед беше отворен во ноември минатата година, деновиве почна и обновата на блокот А. Ќе следува етапна реконструкција и на преостанатите два блока, за студентите да бидат сместени додека течат градежните зафати.
- Пред неколку дена почна целосната реконструкција на Блок А. Вредноста е околу 1,5 милиони евра. Рокот за изведба е шест месеци. Изготвена е и техничка документација за реновирање односно целосна реконструкција на блоковите В и Г, на мензата и на партерното уредување на овој комплекс, изјави министерот за образование и наука Абдилаќим Адеми кој денеска заедно со заменик-министерот Спиро Ристовски го посети најголемиот студентски дом.
Адеми соопшти и дека е отворен повикот за најавената изградба на два нови студентски дома - „Невена Георгиева-Дуња“ во Скопје и студентскиот дом за Државниот универзитет во Тетово. Тие ќе имаат капацитети за 300 и за 350 студенти, а отворањето на документациите е закажано за 19 април.
- Исто така, објавена е и постапка за снабдување на студентските домови со осум нови лифтови, два лифта за домот „Кузман Јосифовски-Питу“ во Скопје, по еден лифт за „Никола Карев“ во Охрид и за „Гоце Делчев“ во Скопје и четири лифтови за домот „Пелагонија“ во Скопје. Ќе набавиме и нов мебел за сите студентски домови во Македонија, рече Адеми.
Отворањето на тендерската документација, посочи тој, ќе биде на 6 април, а планот е до крајот на годинава да бидат опремени сите студентски домови со нови лифтови. Во студентскиот дом „Гоце Делчев“ нови лифтови ќе бидат инсталирани паралелно со етапното реконструирање на блоковите.
Одговарајќи на новинарско прашање дали зафатите се прават поради претстојните избори, министерот за образование и наука рече дека тие не се поврзани со изборите туку се проекти предвидени во Програмата за работа на Владата на РМ за периодот 2014-2018.
Ново на Сител
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава
-
Мајката на починатата студентка од Кавадарци во Штип лани измасакрирала и запалила човек
-
Судир на два автомобили и камион со приколка на автопатот „Пријателство“, тешко повредено едно лице