Опожарено возило во Аеродром, нема повредени

Ноќеска во 03.35 часот во СВР Скопје било пријавено дека на ул.„Петар Ацев“ на подрачјето на општина Аеродром настанал пожар во патничко возило „цитроен ц1“ со скопски регистарски ознаки, сопственост на В.С. од Скопје.

Како што информираат денеска од МВР, од пожарот било зафатено и патничко возило „киа“ со скопски регистарски ознаки, сопственост на И.Д.(45) од Скопје. Повредени лица нема, а пожарот бил изгаснат од екипа на Бригадата за противпожарна заштита. Увид бил извршен.