Индијана потпиша со Мозес Браун

Индијана ја засили центарската позиција. Откако ги загубија сите три центри поради повреда, Пејсерси потпишаа договор со 25-годишниот Мозес Браун висок 218 см.

Стартниот центар Мајлс Тарнер го пропушти поразот во понеделникот против Торонто поради повреда на потколеницата, а Индијана претходно ги загуби Џејмс Вајсман и Исаја Џексон за остатокот од сезоната поради повредени тетиви.

Браун ќе ја игра својата шеста сезона во НБА-лигата, откако во Г-лигата за Никс имаше просек од 18,5 поени и 13,5 скока.

Минатата сезона за Портланд блејзерс имаше просек од 3,4 поени и 3,9 скока за 9,1 минута во 22 натпревари.