„Визер“: Укинати летови од Скопје кон Келн, Стокхолм и Копенхаген

„Визер“ укина три авиолинии - Келн, Копенхаген и Стокхолм од скопскиот аеродром.

На веб сајтот на авиокомпанијата веќе ги нема овие дестинации и не можат да се купат карти. Засега нема информации дали повторно овие линии ќе бидат пуштени на пролет со летниот ред на летање.

„Визер“ се повлекува од Келн, а за да се надомести интересот за тој дел од Германија, компанијата ќе ги зголеми фреквенциите од Скопје за Дортмунд.

На патниците што летаа за Данска, сега им останува можноста да летаат до соседниот аеродром Малме во Шведска.

Од 29 ноември се укинува и летот Скопје – Сараево кој го одржуваше грчката авио компанија „Ејџијан“ преку нејзината подружница „Олимпик“.