Претрес во Куманово, приведено едно лице

Синоќа во 20 часот, полициски службеници од СВР Куманово го лишиле од слобода З.П. (35) од Куманово.

МВР денеска информира дека при преглед кај него била пронајдена прашкаста материја, а потоа при претрес во неговиот дом, извршен со судска наредба, биле пронајдени монети и други метални предмети, за кои постои сомнение дека потекнуваат од кривично дело по член 265 од Кривичниот законик.

- З.П. бил приведен во полициска станица и по целосно документирање на случајот против него ќе следува соодветна пријава, соопштија од МВР.