Селото А го има најкусото име на светот
Селото А (Å) коешто се наоѓа во Општина Москенес, областа Нордланд, во северна Норвешка го има веројатно најкраткиот топоним на светот.
До 1990-тите, тоа било рибарско село, но туризмот оттогаш го презема приматот и станува главна стопанска дејност. Поради тоа изградени се два музеи - „Лофотен стокфиш“ посветен на рибарството и „Норск фискевејрсмусеум“ каде што се наоѓаат сите приказни и подробности за наследството на тоа место. Препознатливо е и по многубројните галеби. Старите рибарски куќи му даваат на селото посебен шарм, а климата е блага поради Голфската струја.
Овде се наоѓа и најстарата европска фабрика за рибино масло. Погонот почнал да работи во 1850 година.
Ова село, всушност, првично било фарма, а првпат се споменува во 1567 година како „Аа“. Ова важело сѐ до 1917 година, кога норвешкиот јазик бил прекодифициран и оттогаш местово се нарекува А, што во превод значи „река“. Во него денес живеат околу 100 луѓе.
Инаку, туристите често ја крадат таблата со името на селото како „сувенир“, па мештаните мораат речиси постојано да поставуваат нови табли.
Ново на Сител
-
Ејџијан Ерлајс ја прекина продажбата на билети за сезонската авиолинија меѓу Скопје и Крф
-
Ердоган против Евровизија: „На вакви настани стана невозможно да сретнеш нормален човек“
-
МВР: Амбер Алерт Европа стартува со кампања низ цела Европа со совети како да се постапи во случај на исчезнато дете
-
Тошковски: Дивиот забавен парк кај Борис Трајковски ќе биде затворен и отстранет
-
Сообраќајна несреќа кај Росоман
-
Анкета: Нова демократија со двојно поголема предност пред СИРИЗА во пресрет на европските избори
-
За прв пат во историјата Јувентус не загуби натпревар од Серија А, во кој заостануваше со три гола
-
Си Џинпинг и го честита на Сиљановска Давкова изборот за претседател