Три лица исчезнати, 18 повредени во експлозија во електрана во Русија

Три лица се сметаат за исчезнати, а 18 се повредени во експлозија во котларата на електраната и топланата Шагонар во оддалечениот регион Тува во Русија, соопшти денеска регионалниот шеф Владислав Ховалиг.

„Шест лица се во тешка здравствена состојба“, напиша Ховалиг на апликацијата за пораки Телеграм.

Пожарот кој избувна во зградата е локализиран и ставен под контрола.

– Нема пријавени смртни случаи, а причината за несреќата допрва ќе се утврдува, наведе Ховалиг.