Француските земјоделци упаднаа на саемот во Париз, каде што требаше да се појави Макрон
Група француски земјоделци упаднаа на големиот земјоделски саем во Париз пред планираната посета на претседателот Емануел Макрон со цел да го изразат својот гнев поради трошоците, бирократијата и „зелените“ прописи.
Земјоделците повикуваа на оставка на Макрон, додека француската полиција се обидуваше да ги контролира протестите.
Имаше неколку судири со демонстрантите, а полицијата уапси најмалку еден од нив.
Макрон, кој појадуваше со лидерите на синдикатите на француските земјоделци, потоа требаше да се прошета низ саемот. Но, тој ја откажа дискусијата што сакаше да ја одржи на саемот денеска со земјоделците, преработувачите на храна и трговците на мало, откако синдикатите на земјоделците рекоа дека нема да се појават.
Француските земјоделци претходно овој месец ги прекинаа протестите кои опфаќаа блокирање автопати и фрлање ѓубре пред јавните згради, откако премиерот Габриел Атал вети нови мерки вредни 400 милиони евра.
Но, протестите продолжија оваа недела, пред саемот за земјоделство во Париз, за да извршат притисок на Владата да испорача поголема помош и да ги исполни ветувањата.
Ново на Сител
-
Македонските фудбалерки со бод од гостувањето во Летонија ја завршија Лигата на нации
-
Гостиварчанец ја нападнал својата вонбрачна сопруга со метален предмет, а потоа ја силувал
-
Уапсен прилепчанец, криумчарел 13 кг тутун и текстил
-
Од актерство се живее ако многу се трудиш | Антонио Ташковски | ПРОфесија | Sitel Podcast 096
-
Утре без вода Чаир, Топанско Поле, Автокоманда, Железара, Бутел и Визбегово
-
Возачот кој со автомобил удри во толпа навивачи на Ливерпул останува во притвор
-
Трамп: Кина не го почитува договорот за царините
-
Јаневска очекува државна матура без проблеми, упати пораки до учениците и до тестаторите