Тенис
28. February 2016 - 16:04

Македонските тенисери се подготвуваат за Дејвис купот

Тениската Дејвис куп репрезентација на Македонија од 2 до 5.март во Талин, Естонија ќе игра во рамките на Третата зона од Дејвис купот. Вчера по доаѓањето на Томислав Јотовски во Македонија и денеска (претпладнеи попладне) тој и Горазд Србљак одржаа неколку тренинзи во СЦ „Борис Трајковски“. Покрај Јотовски и Србњак, во составот на Македонија ќе биде и Димитар Грабул, кои овој месец имаше успешен настап на фјучрс во Швајцарија.

Добро во овој момент е што нашите тенисери имаа можност да тренираат и настапат на тврда подлога на која и ќе се играат мечевите во Талин.
Но, лошо по нашиот состав е тоа што оваа година Македонија нема да биде носител. На натпреварите во Талин ќе настапат 16 репрезентации кои ќе бидат поделени во 4 групи по 4 селекции. Победниците на групите ќе играат во полуфиналето, а победниците во полуфиналето ќе се пласираат во Втората Евро-африканска зона.
Јотовски, Србљак и селекторот Дејан Маринковиќ вечерва од Скопје патуваат за Талин каде ќе им се приклучи Димитар Грабул.
Од најпознатите играчи пријавен е Маркос Багдатис за Кипар.

Популарно од Тенис

Ново на Сител

© 2026 Сител Телевизија