Украина доби заем од 1,34 милијарди долари од Светска банка

Украина доби заем од 1,34 милијарди долари за своите административни капацитети како дел од проектот на Светска банка, соопшти денеска (25 декември) Министерството за финансии на Украина.

Во соопштението се прецизира дека оваа сума вклучува заем од Светска банка од 1,086 милијарди долари, грант од 190 милиони долари од Норвешка, субвенции од 50 милиони долари од Соединетите Држави и швајцарски грант во вредност од 20 милиони долари.

Украинското Министерство наведува дека овие средства ќе се користат за социјална заштита во старост или исплати на вработените во државните служби за вонредни ситуации, како и за други трошоци кои не се поврзани со војската.