Видливост до 50 метри поради магла во Битола, до 100 метри видливост во Прилеп

Сообраќајот на државните патишта се одвива тековно во зимски услови, по претежно суви коловози, соопшти ЈП Македонијапат.

Појава на магла со видливост до 50 метри има во Битола, а во Прилеп видливоста поради магла е до 100 метри.

-На одредени патни правци кои поминуваат низ клисури и усеци можна е појава на поситни одрони, информира ЈП Македонијапат и апелира на внимателно возење и прилагодување на брзината кон  условите на патот.

Според вечерниот извештај на Автомотосојузот на Македонија, интензитетот на сообраќај на патните правци надвор од градските средини е умерен.

-На граничните премини од македонска страна нема подолги задржувања за влез и излез од државата, соопшти АМСМ.