Возило удрило во мече, но иако повредено, продолжило да се движи кон тетовско Непроштено
Центарот за управување со кризи информира дека вчеранавечер возило удрило во млада мечка која иако повредена по еден час продолжила да се движи на локалниот пат Тетово – сeлo Непроштено. Младата мечка го минувала патот заедно со друга поголема мечка и уште две помали мечки кои останале неповредени и продолжиле да одат.
Според ЦУК во возилото кое удрило во мечката се наоѓало семејство, татко, мајка и три мали деца.
-Од ударот сите биле под голем стрес, а децата се здобиле со лесни повреди, информираат од Центарот за управување со кризи.
Според процените на ЦУК големата мечка, најверојатно мајка на мечињата, со двете помали мечиња се наоѓа од десната страна на патот гледано од насока на Тетово кон с. Непроштено, додека повредената млада мечка се наоѓа од другата страна на патот.
-Се работи за урбана средина со повеќе куќи и голема раздвиженост на возила и луѓе поради што ги повикуваме надлежните институции да ги преземат сите неопходни дејствија со кои ќе се гарантира безбедноста на граѓаните, но воедно ги повикуваме и невладините организации од оваа област да се вклучат во овој несекојдневен настан и да предложат мерки и постапки со кои ќе им се помогне на повредената млада мечка како и на големата мечка со двете останати млади мечки, информираше Стојанче Ангелов, директор на ЦУК.
Од ЦУК предупредуваат – граѓаните да го избегнуваат движењето на местото на несреќата како и непосредната околина или да бидат исклучително внимателни бидејќи се очекува мајката да го бара своето младенче.
-Овој случај отвора многу прашања околу непрецизно дефинираните и испреплетени надлежности на институциите бидејќи по несреќата ја разгледувавме можноста повредената млада мечка (или мече) да биде успиена со опојно средство, а потоа преместена и згрижена на соодветно место, како на пример ЗОО Скопје, каде би и се пружила медицинска нега. Притоа до израз дојдоа повеќе формално-правни и функционални недостатоци, изјави Ангелов.
На овој регионален пат Тетово-Јажинце на 5 октомври кај Доброште беше прегазена и усмртена мечка, при што немаше повредени луѓе. На 25 октомври мечка беше прегазена и усмртена на патот помеѓу тетовски села Селце и Вејце, а возачот заминал од местото.
На истиот пат Тетово-Јажинце кај Доброште и на 14 јули годинава се случи сообраќајна несреќа во која беше прегазена и усмртена мечка. Тогаш учествувале две патнички моторни возила, при што беа повредени двајцата возачи.
Ново на Сител
-

Краделе мебел, бела техника и радијатори кај браната Конско - приведени две лица
-

Зеленски повторно бара членство во НАТО, според него тоа е гаранција за безбедност
-

Уапсен возачот кој возеше во спротивен правец на „Партизанска“ | ВИДЕО
-

Ѓорѓиевски: Уреден просторот кај жичарницата на Водно, обновени клупите и летниковците | ФОТО
-

Приведени девет возачи, петмина управувале возило без положен возачки испит
-

Безживотно тело на 38-годишен маж со прострелна рана пронајдено кај Смилковци
-

Мицкоски: Даваме сè од себе да реализираме проект повеќе и да создадеме подобри услови за живот на граѓаните
-

Франција стравува од ескалација на протестите, 70.000 полицајци и жандарми распоредени на улиците
