Коциќ: СДСМ го реализира стратешкиот и важен енергетски проект Чебрен, после 11 неуспешни обиди на ДПМНЕ

Започнува реализација на стратешкиот и исклучително важен енергетски проект Чебрен, инвестиција вредна над 1 милијарда евра.

Станува збор за огромен енергетски капацитет кој драстично ќе влијае на енергетската независност на земјава и на стабилноста на системот.

Со овој нов енергетски капацитет може да се задоволат потребите на 250 илјади домаќинства со просечна потрошувачка на електрична енергија .

Зголемено производство од обновливи извори значи сигурна енергетска иднина и стабилна цена на струјата.

Дополнително поради огромната количина на електрична енергија која може да се произведе ќе можеме активно да се учествуваме и на регионалниот пазар на енергија.

Во однос на водата, интерес на државата е да има уште една голема акумулација. Придобивките кои се големи, енергетски но и за заштита од поплави, регулација на речното корито, водоснабдување.

Приватниот инвеститор ќе добие дозвола за вода за производство на електрична енергија, и само за тоа. Не може да прави што сака со водата, затоа што во законот за води јасно е наведено што е приоритет.

Обезбедени се сите потреби на земјоделците за наводнување за целокупната обработлива површина на целиот зафат и пошироко, со задоволување на потребните количини согласно Законот.

ДПМНЕ 11 пати објавуваше тендери за Чебрен за реализација и не успеа. СДСМ направи успешна постапка со што овој огромен и значаен проект ќе се реализира.

Со успешната постапката којашто ја спроведе СДСМ заштеди 100 милиони евра, пари на граѓаните.

Скандалозно, Владата на Никола Груевски и ДПМНЕ во 2013 година со Одлука го доделила Тиквеш на приватниот инвеститор, 3 месеци по добивање на одобрението за градба на ХЕЦ Чебрен.

СДСМ, со измена на таа одлука го внесе Тиквеш во заедничка компанија 3 месеци по пуштање во работа на ХЕЦ Чебрен.

Тоа е суштинска и огромна разлика со која се заштедуваат 100 милиони евра, пари на граѓаните.

Владата на ДПМНЕ и Никола Груевски, на кого Мицкоски му беше советник за енергетика, 100 милиони евра сакала да му поклони на приватниот инвеститор.

Тоа е суштинска разлика помеѓу погрешните политики на ДПМНЕ и успешните политики на СДСМ во енергетиката кои даваат резултат.

Прес-конференција, Ненад Коциќ, пратеник на СДСМ